Zidane rrezikon të shkarkohet – lexo

Trajneri francez i ka dy ndeshje në dispozicion për ta shpëtuar postin e tij, përfshirë këtu “El Clasicon” Zinedine Zidanet ka nisur t’i lëkundur karrigia në Real Madrid. Rezultatet e dobëta së fundmi kanë nisur t’ia rrezikojnë pozitën e trajnerit në “Santiago Bernabeu”. Mediumi francez “L’Equipe” shkruan se “Zizou” i ka në dispozicion edhe dy ndeshje për t’i shpëtuar shkarkimit.
Reali i pësoi dy humbje radhazi në shtëpi, nga Cadizi në La Liga dhe nga Shakhtar Donetsk në Ligën e Kampionëve, përcjell Gazeta Express. Prandaj, dy ndeshjet e ardhshme do të jenë vendimtare për të ardhmen e Zidane. Reali do të luajë me Barcelonën në “El Clasico” në fundjavë dhe më pas në Champions me Borussia Monchengladbachun. Nëse “Mbretërit” nuk i fitojnë këto dy takime, atëherë mund të vijë deri tek shkarkimi i Zidane. Sidoqoftë, legjenda franceze ka bërë punë të jashtëzakonshme në Madrid duke e fituar tri herë Championsin dhe së fundmi doli kampion i Spanjës.