LSI zhvilloi sot zgjedhjet e brendshme në parti për të caktuar delegatët e Konventës Kombëtare. Por në Gjirokastër duket se procesi ishte përtej pritshmërive të ish-deputetit Vangjel Tavo dhe drejtuesve të kësaj partie. Sikur të mos mjaftonte fakti që në votim morën pjesë rreth 50 persona, duke sjell në këtë mënyrë dhe shqetësim te Tavo, kryetari i LSI-së në Pogon e ka parë më të udhës të drekojë me deputeten e PS-së, Artemis Malo dhe njerëz të tjerë nga radhët e strukturave të PS-së në Dropull. Edhe sikur të jetë thjesht një drekë miqësore, që fundja s’ka asgjë të keqe, dita kur është zgjedhur nuk përkon me një moment të mirë për LSI-në në qarkun Gjirokastër. Sikundër raportuam më herët, Vangjel Tavo ishte tejet i shqetësuar për mungesën e pjesëmarrësve në zgjedhje dhe kishte filluar të thërriste në telefon mbështetësit e vet ose së paku ata që dikur LSI i pati punësuar nëpër institucionet publike. Dhe në fakt nuk ishin pak si numër, pasi sic dihet LSI shpesh e ndante një vend pune për dy veta.
©argjirolajm.net
