Teksa protesta u zhvendos përpara Drejtorisë Vendore të Policisë Tiranë, para mediave ka folur edhe avokati Zaçe Islami nga Golemi i Gjirokastrës. Ai i kërkoi transparencë të plotë kryeministrit Edi Rama për çmimin e naftës si dhe akuzoi biznesmenin e njohur të karburanteve, Shefqet Kastrati.
“Duam transparencë të plotë, sa naftë prodhojmë dhe ku shkon. Kryeministri na mashtroi sërish. Vlera e cmimit duhet të shkojë në 130 lekë litri .Ma hiq qafe oligarkun Kastrati, gjakpirësimin më të madh të popullit shqiptar që e shet naftën me shtrenjtë se kudo në Europë”, u shpreh Islami.
Më tej ai i bëri thirrrje drejtorit të Përgjithshëm të Policisë së Shtetit, Gledi Nano.
“Kam një thirrje për drejtorin e policisë, mos i përdor efektivët si mish për top kundër nesh. Zoti drjetor kujdes se po luan me zjarrin. Përse i ke mbushur burgjet plot. Largoji policët nga provokimet”, tha Islami.
Sot paradite në Tiranë u zhvillua protesta masive e katërta me radhë për të kundërshtuar rritjen e cmimit të naftës dhe produkteve të tjera ushqimore. ©argjiroja.net
