Në fund të takimit në Sarandë, Edi Rama ka vënë në siklet kryebashkiakun e zgjedhur, Oltion Çaçi, për vendin ku ai ishte ulur, mes kryeministrit dhe Blendi Klosit.
“Një thirrje para jush Oltit. Sot është hera e parë dhe e fundit që ulet mes meje dhe Blendit që ulet këtu në qëndër. Këtë mbaje mend se nuk vjen më. Duhet të punosh fort 4 vjet që ta kapësh vend prapë për një orë. Dhe dua t’i them që gjithë kjo familje e madhe të ka besuar symbyllur. Ke ardhur këtu të ka marrë në krahë dhe të ka ngjitur te karrigia e kryetarit të bashkisë. Te kjo karrige ulesh që t’u shërbesh të tjerëve. Mos e harro këtë gje, se nuk je klienti i këtyre tani, por je kamerieri i këtyre tani”, tha Rama.
