Më 5 prill 1997, kryeministri i sapo zgjedhur i qeverisë së “Pajtimit Kombëtar”, Bashkim Fino, në përpjekje për të shkuar në Shkodër, u ndalua nga një grup militantësh të PD-së, si për t’i treguar se nuk ishte kryeministri i gjithë shqiptarëve. Në një filmim të rrallë të “Associated Press” që duket se është i vetmi që ka rregjistruar incidentin, raportohet se të paktën 50 vetë, në afërsi të Bushatit, i kanë zënë rrugën kryeministrit.