Kryeministri Edi Rama ka zbuluar se Vasilika Hysi është tërhequr nga PS dhe nuk do të garojë në zgjedhjet e 25 prillit.
Këtë e bëri të ditur kryeministri Edi Rama në një konferencë teksa prezantonte programin “Drejtësia që duam” duke thënë se pas 12 vitesh, Hysi ka zgjedhur që t’i hapë rrugën më të rinjve që do të angazhohen me PS për zgjedhjet e ardhshme parlamentare.
“Vasilika më ka bërë me dije se ka vendosur t’ju hapë rrugën kalamajve. Vasilika me gjithë konsideratën dhe besoj nuk kishte vend më të mirë se ky, ku ti ke një rol kyç për ç’ka kemi bërë për reformën në drejtësi”, tha Rama.
