Kandidati i LSI-së për deputet në Gjirokastër, Vangjel Tavo, ka disa ditë që bën sikur është shumë i shqetësuar për kundërshtarët e tij që shpenzojnë para për reklama, postera, banderoja etj. Ndërkohë që atij i “qajnë sytë” se populli po vuan dhe se këto shpenzime janë të tepërta. Por ndërkohë vetë po bën të njëjtën gjë përmes internetit. Llogaria e tij në Instagram del vazhdimisht “boost”, pra e paguar për të rritur audiencën në këtë rrjet.
Natyrisht që Tavo është në drejtën e vet të shqetësohet për shpenzimet e fushatës të kandidatëve të tjerë, por nuk është ai personi që ka integritetin moral ta thotë këtë gjë. Vangjel Tavo është pjesë e establishmentit të politikës shqiptare.
Ka 20 e kusur vite në politikë dhe kurrsesi nuk mund të besohet për cfarë thotë. Vangjel Tavo nuk është një politikan i ri fringo. Eshtë po aq diabolik dhe fajtor sa të tjerët për cfarë ka ndodhur në Shqipëri. Kështu që edhe kur bën sikur i qajnë sytë për shpenzimet e fushatës, mos e merrni seriozisht. Më poshtë foto e llogarisë së tij në Instagram.
©ArgjiroLajm.net
