Ukraina fiton Eurovision-in. Kënga, një dedikim për të gjitha nënat ukrainase në këto ditë të vështira, fitoi në edicionin e 66-të të festivalit europian të këngës që u zhvillua në Torino, Itali, falë votave të publikut.
631 pikë mori grupi ukrainas ‘Kalush Orchestra’ me këngën ‘Stefania’. Plot 439 pikë i dha publiku këngës fituese, ndërsa juria profesioniste 192 pikë.
Ukraina ndodhet në një moment të vështirë që prej nisjes së agresionit rus në 24 shkurt të këtij viti, teksa mijëra civilë kanë humbur jetën nga bombardimet dhe miliona të tjerë kanë braktisur shtëpitë e tyre.