Dua Lipa pak ditë më parë, në kuadër të peticionit për vendosjen e Kosovës në hartën e Apple, i tregoi botës flamurin e Shqipërisë etnike.
Menjëherë këngëtarja me origjinë shqiptare u sulmua nga njerëz që nuk pranojnë idenë e një Shqipërisë të madhe, kryesisht nga serbët që komentonin në statusin e saj që Kosova është e Serbisë.
Megjithatë Dua Lipa ka sqaruar se me postimin e saj nuk kishte për qëllim të nxiste urrejtje por që Kosova të përfaqësohej në hartë dhe të kishte mundësi për të folur me krenari për vendin e saj mëmë.
Ajo shtoi se gjithmonë është përballur me një rezistencë të egër kur ka folur për idene e një kulturë autentike kosovare.
Reagimi i plotë:
Postimi im i mëparshëm nuk kishte për qëllimin që të nxiste urrejtje. Më trishton dhe më nervozon fakti që postimi im është keqinterpretuar nga disa grupe dhe individë që promovojnë përçarje etnike, diçka që unë e refuzoj.
Gjithmonë kur unë postoj për Kosovën, rrjetet e mia sociale bombardohen, edhe nëse është diçka që mund të ketë lidhje me ushqimin apo muzikën dhe jam përballur me një rezistencë të egër ndaj një ideje për një kulturë autentike kosovare.
Ne të gjithë meritojmë të jemi krenar për etninë tonë dhe nga vijmë. Unë thjesht dua që vendi im të përfaqësohet në hartë dhe të jem e aftë të flasë me krenari për vendin mëmë. Unë inkurajoj këdo që të përqafojë trashëgiminë e tij dhe të dëgjojë e mësojë nga të tjerët. Paqe, dashuri dhe respekt për të gjithë. Dua X
