Një vajzë 3-vjeçare vrau motrën e saj 4-vjeçare gabimisht. Ngjarja ka ndodhur në Teksas, ndërsa lajmin e bëri me dije Harris Ed Gonzalez.
Duke e quajtur incidentin “tragjik” por “shumë të parandalueshëm”, sherifi tha se një grup familjarësh dhe miqsh pesë të rritur dhe dy fëmijë ishin duke qëndruar brenda një apartamenti në Hjuston të dielën.
Në një moment fëmijët ishin vetëm dhe pikërisht aty ndodhi dhe ngjarja. 3-vjeçari kapi një pistoletë gjysmë automatike të mbushur, dhe qëlloi drejt motrës.
“Duket thjesht si një histori tjetër tragjike e një fëmije tjetër që ka akses në një armë zjarri dhe ka lënduar dikë tjetër”, tha Gonzalez.