Kandidati për deputet i PD-së në Gjirokastër, Tritan Shehu, ka publikuar një video në të cilën rrëfen lidhjen e tij me qarkun Gjirokastër. Sigurisht që kjo është një praktikë normale nëpër fushata elektorale. E bëjnë të gjithë kandidatët zakonisht. Por në rastin e Tritan Shehut ka një element të veçantë. Shesh-xhirimet janë realizuar në disa vende që kanë përfituar nga programi “Rilindja Urbane”, investime të cilat janë anatemuar e sulmuar kaq shumë nga Tritan Shehu. Nëse e sheh më vëmendje videon, Tritan Shehu shfaqet duke bërë ecje në Pazarin e restauruar, për të cilin s’ka lënë gjë pa shkruar në Facebook. Po kështu e sheh në bulevardin “Ali Pasha” në Tepelenën e transformuar. Ka pamje me dron nga sheshi i ri i Libohvës dhe Përmetit. Të paktën t’i kishte evituar këto vende se përndryshe i bie që ka marrë mbrapsht gjithcka ka shkruar më parë për këto investime.
©argjirolajm.net
