Deputeti demokrat, Tritan Shehu, pjesë e grupit të Berishës ka analizuar vendimin e gjykatës së Apelit, që ia la në dorë vulën e PD-së, Alibeajt.
I ftuar në News24 Shehu tha se është krejt normale që Berisha doli me koalicion me partitë opozitare, që sipas tij është fenomen normal.
Shehu tha se Basha, një kryetar i dorëhequr i PD, nuk mund të delegojë Alibeajn për t’u regjistruar në zgjedhje. Ai tha se kryetar i PD-së është Sali Berisha. Ai tha se koalicioni është zgjidhje legale dhe partiake.
“Isha i bindur se do të ndodhte këtu, se Rama përmes patericave të tij, do të mbajë në një gjendje amullie opozitën. Kjo do kalohet me elementin legal që është koalicioni dhe apelimi. Rezultati në zgjedhje do të jetë i mirë disi. Në qarkun e Gjirokastrës paraqitemi mjaft mirë. Kemi unison të anëtarëve të PD-së, përveç dy-tre vetave. Ndaj i ftoj miqësisht që të jemi bashkë.”, tha Shehu.