Tjetër tërmet në Greqi, ja ku ishte epiqendra

Një tërmet tjetër është regjistruar pak momente më parë në Greqi. Sipas të dhënave epiqendra ndodhet 25 kilometra në veriperëndim të Janinës. Mediat greke raportojnë se tërmeti ishte 4.3 në shkallën Rihter me një thellësi fokale prej 10 km, me epiqendër 25 km në veriperëndim të Janinës. Ky është tërmeti i dytë ditën e sotme pasi para disa orësh një tërmet me magnitutë 4.6 pranë brigjeve të Egjeut frikësoi qytetarët. Greqia është përfshirë ditët e fundit nga disa tërmete duke krijuar panik dhe pasiguri.