Detaje të reja dalin në pah nga aksidenti tragjik në Greqi, ku nga përplasja e dy trenave, humbën jetën 57 persona, midis tyre 6 shqiptarë.
Protothema shkruan se, raporti mjekësor i inspektorit që ishte në detyrë, Dimitris Nikalaou, mban firmën e një mjeku të Departamentit të Kirurgjisë “Achillopoulio”.
Dyshohet se mjeku e ka lëshuar dokumentin pa e ekzaminuar personin që ka diagnostikuar se ka një problem neurokirurgjik. Inspektori i supozuar i sëmurë e ka dorëzuar pushimin mjekësor në mënyrë elektronike në departamentin kompetent të EFKA-së, siç ishte paraparë.
Sipas informacioneve, mjeku nënshkrues i pushimit mjekësor ka pohuar në shpjegime se ka marrë një urdhër nga eprori i tij. Procesi vijon me thirrjen për shpjegime të mjekut të emëruar nga nënshkruesi i lejes.
Dimitris Naikolaou është pushuar “deri në hetim të plotë dhe përzgjedhjen e stacionistit për shërbim në stacionin e qytetit”.
Mbi ngjarjen ka reaguar dhe kryeministri i Greqisë, cili ia ka dërguar sot një letër Gjykatës së Lartë për zbardhjen e plotë të rastit me prioritet maksimal.
