Ish-ministrja e Kulturës dhe njëherazi deputete e qarkut Gjirokastër, Mirela Kumbaro, ka publikuar në faqen e saj në Facebook një video nga kantieri i punimeve në rrugën Gusmar- Kuç, aks i cili lidh Kurveleshin me bregdetin. Kumbaro pa nga afër punimet në këtë rrugë bashkë me kryetarin e Bashkisë Tepelenë, Tërmet Peçi.
“Me Termetin qe nderton ne rrugen e re qe te nxjerr nga Kurveleshi ne Borsh, shtepia do te jete me pamje nga deti dhe #Tepelena vertet Porta e Jugut”, shkruan Kumbaro.
Rruga e re ofron një pamje panoramike fantastike dhe pritet të ketë një impakt të madh për zhvillimin e turizmit në këtë zonë. Investimi është një financim i qeverisë shqiptare përmes Fondit Shqiptar të Zhvillimit.
©argjiroja.net
