Bashkia Gjirokastër do të rikonstruktojë dy shkolla, një në qytet dhe një tjetër për zonat rurale. Është fjala për shkollën “Urani Rumbo” dhe shkollën e bashkuar “Bilal Golemi”. Buxheti i parashikuar për këto investime është rreth 41 milionë lekë të vjetra, financim i buxhetit të bashkisë. Prokurimi publik është hapur disa ditë më parë, ndërsa pritet që brenda kësaj jave të shpallet fituese kompania që do të kryejë punimet. Ndërhyrja ishte parashikuar të kryhej kohë më parë në mënyrë që viti i ri shkollor t’i gjente nxënësit me ambiente të reja, por u shty për shkak të pandemisë dhe pezullimit për shumë kohë të prokurimeve publike.
©argjirolajm.net
