Gjatë kësaj jave qeveria miratoi një vendim për 700 vende të reja pune shtesë në administratën publike. Opozita mendon se kjo është lëvizje elektorale e Ramës. Një reagim për këtë cështje e ka edhe ish-deputeti i LSI-së në qarkun Gjirokastër, Vangjel Tavo. Përmes një postimi në Facebook ai shkruan me ironi.
“Kujdes mos dilni nga shtëpia para orës 16:00 se ju kap grepi i “Rilindjes” për punësime sezonale 3 mujore në shtet për vota 😂😂😂Sa qesharake dhe e dëshpëruar “Rilindja!” Punësimet e vërteta afatgjatë dhe në rritje, zhvillimi i qarkut Gjirokastër, përmirësimi i standardeve të jetesës nisin më 26 prill dhe e papunë do jetë vetëm “Rilindja.”
Që punësimet nepotike në shtet dhe me qëllime elektorale nuk janë ndalur, ky nuk është më lajm në Shqipëri. Por kur ndaj këtyre punësimeve flet me përbuzje edhe Vangjel Tavo, kjo është vërtet e tepërt. LSI ka pasur si model që një vend pune në shtet e ndante për dy a më shumë veta. Ndërsa largimet nga puna i bënte edhe me letër me vrimë. Vangjel Tavo e di mirë këtë histori.
©argjirolajm.net
