Gjatë deklaratës së sotme për mediat, Vangjel Tavo, tentoi ta prezantonte veten edhe si Maratonomak teksa tha se rivali e tij të PS-së po lëvizin me fuoristrada, ndërsa ai vetë ecën në këmbë.
“Ministria e Brendshme ka zbarkuar e gjitha me makina policie dhe foristrada që xhirojnë gomat në rrugët e Gjirokastrës, duke vënë në shërbim të fushatës aparatin e policisë së shtetit në kundërshtim të plotë me ligjin dhe kodin zgjedhor. Kanë frikë nga humbja e thellë që i pret. Ata me foristrada por unë Vangjel Tavo do i mund në këmbë. Sic i kam mundur gjithmonë. Në këmbë ju kam takuar derë më derë dhe në këmbë do vi gjithmonë për të ndarë hallet dhe shqetësimet me ju”, tha Tavo duke ofruar një shfaqje tjetër të folklorizmit politik.
Sa më shumë Tavo prezantohet si i përvuajtur, si Krisht apo si shpëtimtar nga “Rilindja” aq më qesharak duket. Vangjel Tavo nuk është një figurë e re, por demonstron kryekëput të gjitha veset e klientelizmit dhe abuzimit me pushtetin politik sikundër e gjithë klasa politike e këtyre 30 viteve.
©argjiroja.net
