Ish-deputeti i LSI-së në Gjirokastër, Vangjel Tavo, ka komentuar deklaratat e kryeministrit Edi Rama lidhur me hapjen e negociatave. Përmes një postimi në Facebook, Tavo e sheh dështimin te qeveria dhe sic e quan ai “sekti i rilindjes’. Ai fajëson qeverinë shqiptare edhe për atë që Tavo e quan “rikthim të vizave”. Madje sipas tij ky regjim ka kushte vetëm për shqiptarët. Ish-deputeti i LSI-së këtu gënjen, pasi e vërteta është krejt ndryshe.
“Por sekti i rilindjes nga 5 kushte e çoi në 15 dhe nga lëvizje e lirë me regjim vizash online, me kushte vetëm për shtetasit shqiptarë e cila hyn në fuqi së shpejti.”, shkruan Tavo.
Në fakt sistemi i ri i quajtur “ETIAS” ka nisur të diskutohet që në vitin 2016 dhe nuk bëhet fjalë për rikthim të vizave, por për një sistem të ri sigurie të Bashkimit Europian për të gjitha shtetet jo anëtare të BE-së. Nuk do të jenë vetëm shqiptarët që do të bëjnë aplikim online, por edhe amerikanët, japonezët, zvicerianët dhe shtete të tjera që nuk janë pjesë e Bashkimit Europian. Cdo shtetas i këtyre shteteve aplikon online dhe merr një konfirmim nëse është i lejuar apo jo të futet në Bashkimin Europian. Më poshtë postimi i plotë i Vangjel Tavos.
©argjirolajm.net
