Meshkujt pëlqejnë që të kalojnë kohë nën shoqërinë e femrave të bukura, megjithatë studimet kanë treguar se kjo nuk është e mirë për ta. Një studim nga Universiteti i Valencias ka treguar se mjaftojnë vetëm 5 minuta në shoqërinë e një gruaje të bukur për të rritur nivelin e kortizolit në trup.
Studimi tregoi se nivelet e kortizolit, hormonit të stresit rriten pas vetëm pesë minutash qëndrimi me një grua që është tërheqëse. Studiuesit testuan 84 meshkuj, të cilët qëndruan në një dhomë për të zgjidhur një enigmë Sudoku. Në dhomë ndodheshin edhe dy të panjohur, një mashkull dhe një femër.
Kur gruaja u largua nga dhoma dhe mbetën vetëm burrat, nivelet e stresit nuk u rritën. Ndërsa kur pjesëmarrësit mbetën vetëm me gruan në dhomë, pati një rritje të nivelit të stresit. Në një përfundim interesant arritën dhe dy psikologë australianë.
Psikologët treguna se kur një grua tërheqëse është në skenë, nivelet e testosteronit – hormoni kryesor seksual mashkullor që i bën meshkujt të ndryshëm nga femrat – rriten. Richard Ronay dhe William von Hippel nga Universiteti i Queensland publikuan gjetjet e tyre në revistën, Social Psychological and Personality Science.
