Nga Shkëlqim Guçe*
Tridhjetë e dy vjetë gurgullimë ,
në shtratin erē trëndelinë .
“Gurra e Picarit” vjen në 32 vjetorin e saj, me një mal këngësh, vallesh, ritesh dhe variacionesh melodike, që mbartin vlera të rralla të trashëgimisē folklorike. U krijua më 10 Mars të vitit 1991, me korifej të shquar, të rritur nëpër festivale. Mbështetësi i parë që inkurajoi krijimin e grupit, ishte picarioti i apasionuar i polifonisë Ramo Guçe.
Të parët këngëtar, valltar, instrumentist, si Dituri Thana, Fazo Isaraj, Idriz Isaraj, Ilirjan Karabina, Dhurim Saraçi, Banush Malo, Xhevair Guçe, Musa Budo, Jaçe Peçi, Shkëlqim Guçe, e pagëzuan grupin me emrin e lumit Gurra e Picarit, që shushurimën e tij, e ka në katër stinët.
Gurgullima e ritmeve dhe variacioneve melodike, u dëgjua në skenat e festivaleve rajonale, kombëtare e ndërkombëtare, si në Francë, Itali, Greqi, Turqi etj. Titujt e lartë të nderit për grupin dhe korifenjtë, kanë qenë dhe mbeten, vlerësimet e opinionit artëdashës, që është ngritur në këmbë prej emocioneve të përcjella, në interpretimin e vargjeve epike, lirike dhe elegjike si:
* Kurvelesh ç’djem që rrite
* Kurvelesh katër nishanë
*Jam labik e Kurveleshit
* Mbi labëri nusërofsh
*Në trojet e İlirjanëve
dhe të tjera xhevahire, që arrijnē numurin 1600, këngë e valle të kënduara burimore, të cilat po lenë gjurmë në kulturën tonë kombëtare, me fytyrën dhe emrin e ” Gurrës së Picarit “. Tridhjet e dy vjetori i krijimit të Sh.K.A.F , përkon me F.F.K. Gjirokastër , në muajin Qershor, të këtij viti. Ne jemi gati për të hypur në skenën e shenjtë, me variacione epike, që simbolizojnë ngjarje historike. Mjeshtër me vokale të rralla, ashtu si gurgullima e kristaltë e lumit të gurrës, pasurojnë në vazhdimësi, mozaikun folklorik autokton, qē grupi ynë përfaqëson.
