Emisioni “Stop” në Tv Klan denoncoi mbrëmjen e sotme rastin e deputetit Artur Roshi, i cili sipas këtij emisioni tenton të përvetësojë një tokë shtet. Skandaloz në këtë rast është qëndrimi i Këshillit Bashkiak dhe policisë së Sarandës, që po mbyllin sytë para këtij abuzimi.
Denoncimi i STOP.
Jemi ndalur në Sarandë, pasi qytetari Ardit Cikuli,komshi me deputetin e Ballit Kombtar Artur Roshi, denoncon, se ky i fundit po tenton të përvetsojë një tokë shtet, ditën për diell e në sy të zyrtarëve të institucioneve.Toka ndodhet para hotelit të Cikulit dhe duhet bërë rrugë, pasi rruga për në shtëpinë e tij mungon dhe ai këtë të drejtë e ka fituar në gjykatë.Deputeti Roshi ka tentuar 5 herë të zaptojë këtë tokë e të ndërtojë aty.Përmes kameras së fshehtë, Stop sjell debatin e deputetit me specialistët e IKMT-së, dhe anëtari i parlamentit shprehet, se nuk do t’ia dijë e toka në fjalë do të bëhet e tija.Për gjithë këtë situatë flagrante policia e Sarandës, edhe pse konstaton paligjshmërinë e një ndërtimi pa leje, nuk mban proces-verbal konstatimi.Nga ana tjetër, bashkia e Sarandës, përmes Këshillit Bashkiak, po mundohet të favorizojnë deputetin, duke i dhënë një leje sikur do ndërtojë rrugën dhe me pas ta përvetësojë tokën-shtet. Shihni videon më poshtë.
