Si po e përdor Duka klubin e Erzenit për interesa elektorale?

Dy ditë më parë qarkulloi lajmi për përjashtimin e dy skuadrave mjaft të njohura në Kategorinë e Parë, siç janë Erzeni i Shijakut në Grupin A, si dhe Elbasani në Grupin B, me shumë histori në futbollin shqiptarë, janë drejtuesit e klubeve që nuk e pranojnë një gjë të tillë duke e përgënjeshtruar… Drejtuesit e Erzenit vijojnë stërvitjen, ndërsa në Elbasan është presidenti Arben Laze që ka zbritur në fushë, ka mbledhur skuadrën dbe stafin dhe u ka kërkuar që të vijojnë të stërviten me përkushtim, sepse ai do të bëj më të mirën që Elbasani të jetë në Kategorinë e Parë, e madje një ekip me pretendime.
Ndërkohë që për Rtshsport, trajneri Shkëlqim Lleshanaku ka pohuar: “Nuk janë të vërteta lajmet që qarkullojnë në media se Elbasani është përjashtuar. Po vazhdojmë punën me intensitet, kemi pasur një mbledhje si ekip edhe me presidentin Laze, na është dhënë garanci. Nuk ka një vendim zyrtar, ndërsa ne do të jemi në Kategorinë e Parë, e madje, me një ekip dinjitoz dhe më të fortë se një vit më parë”, – tha Shkëlqim Lleshanaku, trajneri i skuadrës së Elbsanit, që e ka sezonin e tij të dytë radhazi në krye të verdhebluve. Siguria e presidentit Arben Laze për mos rrëzimin është nga fakti i miqësisë së tij të ngushtë që ka me presidentin e FSHF-së Armand Duka. Ky veprin i FSHF-së hedh hije të rënda dyshimi se puna e Komisionit është një lojë. Kjo pasi Komisioni i Lincensimit ka një Apel i cili mund të rrezojë vendimin e parë për të dy klubet. Dyshimet janë së Armand Duka rrëzimin e Erzenit po e shfrytëzon për interesa elektorale dhe ka gjasa që mund ta lërë në fuqi vendimin për Shijakun, dhe Elbasani është përfshirë thjesht sa për të mbuluar dënimin e Erzenit.
Ky është teatër i zakonshëm me drejtesine sportive ne FSHF. Në një vëzhgim në faqen e FSHF, shihet se është hequr nga webi rregullorja e licensimit për pjesemarrje në veprimtaritë e FSHF-së dhe është lënë vetëm pjesëmarrja nē aktivitetet e UEFA-s!