Analisti Andi Bushati ka komentuar performancën e kryeministrit Edi Rama në qeverisjen e vendit, duke përballuar edhe pandeminë e koronavirusit. I ftuar në emisionin “Open”, Bushati ka përdorur një anektodë për të bërë krahasimin lidhur me mënyrën sesi Rama ka qeverisur.
“Do ta tregoj menaxhimin e pandemisë nga qeveria me një anekdotë. Ne jemi si një familje normale që të gjithë lekët që kemi i hedhim për të shëruar dikë që na sëmuret. Lekët e hedhura për shërimin e vëllait apo babait nuk ishte keq, por ka baballarë që lekët e ngelura i ndajnë me djalin, vajzën dhe gruan. Por ka dhe baballarë që këta lekë i ndajnë me dashnoret, siç i ndan kryeministri me oligarkët. Rama i ndau lekët me 10 dashnoret e tij”- tha Bushati.
