Një sasi prej 11 kg heroinë u sekuestrua nga policia greke në Rodos, ndërsa në pranga përfunduan një djale 25 vjeçar shqiptar, i cili u arrestua në Pire dhe një grua greke 47 vjeçare. Lënda narkotike do të shpërndahej në sheshet për të varurit nga lëndët narkotike. Ata ishin pjesë e një organizate, ku bënin pjesë edhe gjashtë persona të tjetër, përfshirë edhe tre shqiptarë, të cilët ndodhen në qelitë e paraburgimit.
Rrjeti u zbulua pas hetimeve mbi veprimtarinë e një shqiptari të arrestuar, i cili luante rolin e koordinimit të trafikut të drogës dhe më pas u zbulua ekzistenca e një organizate, e strukturuar në mënyrë hierarkike, me role të veçanta dhe vepronin në Rodos dhe Kretë.
Anëtarët e organizatës kriminale kishin role të dallueshme, dhe në veçanti shqiptarët e burgosur koordinuan transportin dhe shpërndarjen e narkotikëve në emër të organizatës kriminale. I arrestuari 47-vjeçar luajti rolin e transportuesit. I arrestuari 25-vjeçar dhe anëtarët e tjerë të kërkuar ishin përgjegjës për rolin e furnizuesit të drogës.
Pas një veprimi të koordinuar nga policia, gruaja greke ishte vënë nën vëzhgim dhe pasi u takua me 25 vjeçarin, hipi në një automjet, shkoi në portin e Pireut dhe pasi preu një biletë në Rodos, pak para se të hipte në anije, u arrestuan.
Kërkimi zbuloi dhe konfiskoi një valixhe që përmbante 21 pako të improvizuara dhe të lyera me pastë dhëmbësh për të vështirësuar nuhatjen nga qentë antidrogë. Pakot përmbanin heroinë me një peshë totale prej 11 kg dhe 225 gramë. Të arrestuarit u dërguan përpara Prokurorit të Shkallës së Parë në Athinë.
