Gjykata e Përmetit ka caktuar masën “arrest me burg” për shtetasin Alban Voda, i cili vrau bashkëfshatarin e tij duke i prerë koken.
Mesohet se në amjentet e gjykatës ish-komando Voda nuk ka shfaqur shenja pendese, përkundrazi, ai është shprehur me fjalët “mirë ia bëra, se mos është gjallë?”.
NGJARJA
Ngjarja e rëndë ndodhi mesditën e së dielës, ku 30-vjeçari Alban Voda shkoi deri në marrëzi, duke i prerë kokën pensionistit. Nga hetimet e deritanishme të policisë dhe dëshmive të banorëve të zonës, ka dyshime se kohët e fundit i riu vuante nga depresioni.
Ish-komandoja i cili ka shërbyer edhe në Irak, kishte probleme të shëndetit mendor, por sipas policisë ai nuk ka pasur një kartelë mjekësore nga Spitali Psikiatrik që ta evidentonte atë. Po ashtu, dyshohet se më herët mes këtyre dy personave ka pasur konfrontime për motive pronësie. Tashmë Voda, i cili u arrestua vetëm pak minuta pas vrasjes akuzohet për veprën penale “Vrasje me paramendim”.
