Pas shpalljes së fitueses së “Këngës Magjike”, u duk sikur pati një hatërmbetje nga ana e Fifit, e cila ishte një ndër pretendentet kryesore të çmimit të parë.
Shumë media përfolën se marrëdhënia mes dy këngëtareve u ftoh, dhe se çmimi i parë hyri mes tyre, duke prishur miqësinë mes Fifit dhe Enedës.
Por kjo e fundit ka mohuar gjithçka në emisionin “Soiree”, duke thënë se marrëdhënia me Fifin vijon të mbetet shumë “cool”.
“Unë po them që asgjë nga këto nuk është e vërtetë. Unë me Fifin bëmë party, after-party dhe after, after-party. Të nesërmen u zgjuam shumë vonë. Jemi shumë “cool” me njëra tjetrën!”, u shpreh Tarifa, duke mohuar çdo zë që flet për një krizë të mundshme mes tyre.
Eneda tha se e meritonte fitoren duke qenë se ishte një këngë e mrekullueshme:
“Unë mendoj që edhe sikur të mos kisha asgjë në skenë, as balerinë, as kontekstin e caktuar që iu përshtat këngës, mendoj që kënga ime ishte një këngë e mrekullueshme dhe unë kam bërë të pamundurën dhe kam një arritje personale në një sfidë në këtë këngë për ta sjellë ndryshe për ta kënduar jashtë formës që Eneda këndon në përgjithësi. Mendoj që kjo këngë kishte distancë nga disa këngë të tjera të bukura të ‘Këngës Magjike,’” thotë ajo. “Mendoj se do ia kishte dalë gjithsesi edhe pa kontekstin që mori pas tërmeti’’.
