Zbardhen detaje të reja në lidhje me një plagosje me thike që ndodhi paraditen e sotme në Ksamil. Burime bëjnë me dije se ngjarja ndodhi në një Internet Caffe, ku dy persona kanë debatuar fillimisht për motive të dobëta me njeri-tjetrin. Në debat e sipër 38-vjeçari Emiliano Buzaj goditi me thikë një 17-vjeçar me inicialet S.K duke i shkaktuar demë në kofshë. Mësohet se pas plagosjes 38-vjeçari është larguar nga vendi i ngjarjes duke gëzuar lirinë për pak orë pasi policia e arrestoi duke e çuar në komisariat. Buzaj u kap nga policia në shtëpinë e një të afërmi ku u fsheh pas krimit të kryer. Ai duhet të japë llogari për plagosjen e të riut.
Njoftimi i policisë
“Specialistët e Hetimit të Krimit në Komisariatin e Policisë Vlorë arrestuan në flagrancë për veprat penale “Dhuna në familje” dhe ” Mbajtja pa leje dhe prodhimi i armëve, armëve shpërthyese dhe municionit”, shtetasin I.T.,46 vjeç, banues në Vlorë, pasi gjatë një konflikti me vëllain e tij, shtetasin A.T., 55 vjeç, ka nxjerrë armën e zjarrit pistoletë dhe më pas për t’ju shmangur kontrollit të policisë e ka çmontuar psitoletën”.
Shërbimet e policisë sekuestruan në cilësinë e provës materiale pjesët e pistoletës dhe një krëhër me 7 fishekë. Kurse një 38 vjeçar është arrestuar pasi ka plagosur një 17 vjeçar.
“Specialistët e Hetimit të Krimit në Komisariatin e Policisë Sarandë arrestuan në flagrancë për veprat penale “Plagosja e rëndë me dashje”, “Prodhimi, mbajtja , blerja apo shitja pa leje e armëve të ftohta”, dhe ” Përdorimi me keqdashje i thirrjeve telefonike”, shtetasin E.B.,38 vjeç., banues në Ksamil, Sarandë, sepse për motive të dobëta, ka plagosur me mjet prerës (thikë) shtetasin S.K.,17 vjeç”. Materialet i kaluan Prokurorisë, për veprime të mëtejshme.
