Artisti Robert Aliaj është ndier i revoltuar nga sjellja e paprecedent e kreut të Policisë së Shtetit, Ardi Veliut, i cili mbrojti dhunën barbare të Policisë mbi një fëmijë duke dhunuar moralisht mamanë e atij fëmije. Në një mesazh në Fb, Aliaj bëri thirrje që Veliu të shkarkohet urgjentisht dhe drejtësia të veprojë mbi të. Ai shprehet, pasi ka publikuar një fotografi të vetën nga ish-salla e Teatrit Kombëtar:
“Këtë foto po e postoj vetë, sepse kam frikë se mos ma vjedh Drejtori i Përgjithshëm i Policisë së Shtetit, jo qytetari skandaloz Ardi Veliu, dhe më akuzon publikisht me një argument komunist për rindërtimin dhe inaugurimin e Teatrit Kombëtar aty ku ishte. Nxjerr edhe foton si dëshmi për t’ju gënjyer.
Pyetje: Mendoni që ky burracak, shpifës, abuzues, diskriminues, llafazan, gënjeshtar, mashtrues duhet të shkarkohet urgjentisht dhe drejtësia të bëj punën e saj?
Kush e mbron femrën dhe fëmijën në atë shkërdhatë vend? Në rast se 15-vjeçari i dhunuar do të ishte fëmija yt ?! Në rast se gruaja e cila përjetoi dhunimin e djalit të saj 15-vjeçar, poshtërohet edhe publikisht, të ishte mamaja e fëmijës tënd?! Turp shkërdhata!
Ps. Turp edhe për ato femrat e Komisionit të Sigurisë, që po i respektoje me lajmin e rremë.“
