Gjirokastra është një nga zonat e jugut ku ka patur probleme për shkak të reshjeve të dendura të shiut. Kryebashkiaku Flamur Golemi ka qenë në terren për të parë nga afër situatën e krijuar.
“Zhbllokuam rrugën drejt Zhulatit dhe ndërhymë gjithashtu në akset Kolonjë-Golem, Kordhocë-Lazarat, Asim Zeneli-Krinë-Tranoshishtë-Saraqinishtë, Ura e Lumit-Topullaraj”, shkruan Golemi.
Përsa i përket cështjes së pallatit në lagjen “Puëntori”, Golemi thotë se për momentin specialistët vlerësojnë se gjendja është e qëndrueshme, duke shtuar se ka një monitorim të objektit dhe komunikim të vazhdueshëm me banorët dhe strukturat qëndrore të Emergjencave Civile.
Në fund kryebashkiaku i Gjirokastrës apelon që njerëzit të evitojnë lëvizjet e panevojshme nëpër rrugë, pasi parashikimet thonë që reshjet do të vijojnë edhe në ditët e ardhshme.
©argjiroja.net
