Kryeministri Edi Rama gjatë takimit të sotëm në Berat me operatorët turistik ka folur ndër të tjera edhe për një projekt të qeverisë për shtëpitë karakteristike të Beratit dhe Gjirokastrës. Ai nuk dha shumë detjae, por sipas tij ky projekt do të nisë të zbatohet pasi këto dy bashki të kalojnë në drejtimin e socialistëve.
“Një program i vecantë i qeverisë dhe Fondit Shqiptar të Zhvillimit për bashkitë Gjirokastër dhe Berat pasi t’i ketë dorëzuar doktoresha (i referohet me ironi Monika Kryemadhit) dhe t’i kemi marrë ne, do të bëjë që në mandatin e ardhshëm të bashkive ne të kemi edhe një transformim më të madh”, tha Rama.
Aktualisht Gjiokastra dhe Berati drejtohen nga LSI. Sa i përket Gjirokastrës socialistët nuk e kanë përcaktuar ende kandidatin për kryetar bashkie. Deri më tani është përfolur emri i deputetit Flamur Golemi. Edi Rama ka thënë se zyrtarizimi i kandidatëve do të bëhet në kongresin e PS-së më 23 mars.
©argjiroja.net
