Kryeministri Edi Rama ka zhvilluar një takim me emigrantët shqiptarë në Greqi. Takimi u transmetua live në rrjetet sociale të kreut të qeverisë, ndërkohë që nuk munguan as komentet e qytetarëve të tjerë. Por një prej tyre ishte më pikanti: Kot shkove deri në Athinë për t’i takuar. Para disa ditësh i kishe të gjithë në pikën kufitare dhe po të prisnin.
Postimi i Ramës
Gjatë gjithë muajve të verës, emigrantët shqiptarë që ishin kthyer në atdhe kanë kaluar ditë “ferri” në pikat kufitare me Greqinë. Pala greke bllokonte punën për shkak të kuotave që kishte vendosur për numrin e personave që duhet të kalonin kufirin, si pjesë e planit të masave ndaj koronavirusit. Përfundimi ishte radhë pafund, dhe një fëmijë i vdekur. Një i mitur nga Lezha ndërroi jetë pasi u përplas nga një autoambulancë, e cila gjithashtu po drejtohej drejt doganës.
Ndërkohë që në jug të vendit, radha e emigrantëve ishte disa dhjetra kilometra, Rama heshti për ditë të tëra dhe nuk denjoi që të shkonte pranë tyre që t’i takonte. Por mesa duket për emigrantët është kujtuar sërish kur ka shkuar në Greqi…tani që edhe ata janë pak më të qetë dhe kanë harruar momentet e pritjes.
