Një numër i madh qytetarësh shqiptarë kanë denoncuar ditët e fundit, gjoba nga autoritetet greke, lidhur me kalimin e afatit të qëndrimit në zonën shenjen, pas mbylljes së kufijve. Por përmes një postimi në rrjetet sociale, Kryeministri Rama ka deklaruar se pas kontakteve të fundit me autoritetet e shtetit helen, këto të fundit do të rishikojnë të gjitha gjobat e vendosura.
“Zyra ime ka qene ne kontakt te vazhdueshem me autoritetet greke, pas lajmit te bere publik te gjobitjes se disa shtetasve shqiptare qe kane tejkaluar afatin 90 ditor te qendrimit ne Greqi gjate muajve te fundit. Autoritetet greke do te rishikojne te gjitha gjobat e vendosura, nderkohe kane siguruar se ne kohezgjatjen e pandemise vendosja e gjobave do te ndodhe vetem ne rastet flagrante, ku shkelja e afateve nuk ka lidhje me situaten e krijuar nga covid19”, shkruan Kryeministri, duke shtuar se ata qytetarët që nuk do t’ju anulohen gjobat, do të rimbursohen nga qeveria.
“Unë i siguroj të gjithë qytetarët shqiptarë te cilëve autoritetet greke nuk do t’ua anulojne gjoben, se do te rimbursohen ne masen 100% nga qeveria e republikës së Shqipërisë”, shkruan Kryeministri.
