Presidenti Vladimir Putin është shprehur se Rusia duhet të përshpejtojë fushatën e vaksinimit kundër koronavirusit.
Kjo deklaratë e Putin erdhi pasi vendi regjistroi një numër të lartë të vdekjeve ditore, në raportin e fundit të publikuar nga autoritetet shëndetësore.
Ai gjithashtu u bëri thirrje deputetëve gjatë një takimi në Kremlin, për të ndërgjegjësuar qytetarët që të marrin vaksinën kundër koronavirusit përpara se situata të përkeqësohet në të gjithë vendin.
Rusia ishte e shpejtë në zhvillimin e vaksinës Sputnik kur pandemia goditi vendit, por procesi i vaksinimit ka qenë më i ngadaltë, kjo edhe për shkak të mosbesimit ndaj autoriteteve dhe frikës për produktet e reja mjekësore, shkruajnë mediat e huaja.
