Gratë kanë shumë më tepër gjasa se burrat të vuajnë nga dhimbja e kokës. Studiuesit zbuluan se 6 për qind, ose pak më shumë se një në 20, kanë dhimbje koke krahasuar me 2.9 për qind të meshkujve. Rishikimi i tyre i shkallës globale të dhimbjeve të kokës, gjithashtu arriti në përfundimin se gratë kanë dy herë më shumë gjasa se burrat të vuajnë nga migrena.
Ata zbuluan se 17 për qind e grave vuajnë nga migrena, e cila mund të zgjasë deri në tre ditë dhe të çojë në të vjella dhe ndjeshmëri ndaj dritës dhe zhurmës. Ndërkohë, që migrena preku vetëm 8.6 për qind të meshkujve. Ndryshimet, në hormone mund të jenë një nga arsyet pse femrat janë më të prekura, pasi çdo luhatje e estrogjenit mund të shkaktojë dhimbje koke.
Hulumtimi, nga Universiteti Norvegjez i Shkencës dhe Teknologjisë, shqyrtoi 357 studime mbi dhimbjet e kokës nga vitet 1960 deri në vitin 2022.
Studiuesit vlerësojnë se rreth një në gjashtë njerëz në botë, kanë dhimbje koke në çdo ditë të caktuar.
Botuar në “The Journal of Headache and Pain”, studimi zbuloi se njerëzit në vendet me të ardhura të larta, raportojnë një shkallë më të lartë të dhimbjes së kokës, megjithëse kjo mund të jetë për shkak se janë bërë më shumë studime në vendet e pasura.
Profesori Lars Jacob Stovner, i cili udhëhoqi hulumtimin, tha se gratë vuajnë shumë më tepër se burrat nga dhimbjet e kokës më të paaftë – migrena dhe dhimbje koke që zgjasin 15 ose më shumë ditë në muaj.
“Kjo ka rëndësi sepse dhimbjet e forta të kokës që janë të paparashikueshme dhe ndodhin shpesh e bëjnë shumë të vështirë përballimin e përgjegjësive të jetës si qëndrimi në një punë ose kujdesi për një familje.”
Autorët, të cilët thonë se metodologjia e studimeve të ndryshme mund të prodhojë disa shifra jo të besueshme për dhimbjet e kokës, nuk mund të jenë të sigurt nëse problemi është në rritje.
Por profesori Stovner tha se studimet zbulojnë se prevalenca e çrregullimeve të dhimbjes së kokës mbetet e lartë në mbarë botën dhe barra e llojeve të ndryshme mund të ndikojë shumë.
“Ne duhet të përpiqemi ta zvogëlojmë këtë barrë përmes parandalimit dhe trajtimit më të mirë,”përfundon Stovner.(Daily Mail/“Si”)
