Partia Demokratike Gjirokastër ka publikuar së fundi një video-mesazh të Dorjan Lanit, një prej kandidatëve në primare dhe me gjasë fitues i tyre. Përmes një fjalimi minimalist dhe dukshëm i pamësuar me kamerën, ndoshta shfaqet për herë të parë, Lani bën një prezantim të vetes, si dhe tregon disa nga problemet me të cilat ndeshet Gjirokastra. Teksa flet për varfërinë, shpopullimin dhe keqqeverisjen, 40-vjeçari zotohet se “krah njëri-tjetrit do të ofrojmë një qeverisje shekullore” për Gjirokastrën. Me siguri ka nënkuptuar një qeverisje më të mirë lokale, jo se ka ndërmend që nëse fiton më 14 maj të qëndrojë kryetar bashkie për një shekull.
Me gjithë lapsuset që janë të kuptueshme për këdo që është në fillimet e veta në angazhime të tilla, prapë është lajm i mirë që të paktën PD-ja përfaqësohet me një figurë të re. Se sa ai do të ketë sukses më pas mbetet për t’u parë sepse vetëm primaret nuk e bëjnë dot kryetar bashkie. Socialistët me Flamur Golemin janë dukshëm më të avantazhuar në këto zgjedhje. Veç Lanit në primaret e PD kandidon Telnis Skuqi, Enkeleda Mushi dhe Shemsho Lamaj. Zgjedhjet do të zhvillohen në 4 dhjetor. Më poshtë deklarata e plotë e Lanit. ©argjiroja.net