Dy shkolla dhe një qendër kulturore në Gjirokastër do të rikonstruktohen vitin e ardhshëm. Kështu thotë kryebashkiaku Flamur Golemi pas prezantimit të tre projekteve për këto investime.
“Viti i ardhshëm nis me lajme të mira për Gjirokastrën.Do të restaurojmë shkollën “Koto Hoxhi”, shkollën “Së Bashku” dhe Qendrën Kulturore të Fëmijëve “Fato Berberi”. Janë investime shumë të rëndësishme si pjesë e programit të efiçencës së energjisë në bashkëpunim me Ministrinë e Infrastrukturës, që krijojnë kushte më të mira për fëmijët tanë. Viti 2021 e gjen Gjirokastrën me kantiere të tjera investimesh si rehabilitimi i Sheshit “Çerçiz Topulli”, ndërtimi i Bypassi, restaurimi i Teatrit “Zihni Sako” për të cilin po punohet dhe investime të tjera që do t’i prezantojmë në vijim”, shprehet Golemi.
