Policia e Gjirokastrës konfirmon referimin në Prokurori të rastit për marrjen dhe përdorimin e paligjshë të mjeteve të identifikimit sa i përket regjistrimit të kandidatit të Nismes Thurje, Kostas Garos. Përmes një njoftimi Policia thotë se në gjendje të lirë po procedohet një banor i fshatit Peshkëpi e Sipërme.
“Shërbimet e Postës së Policisë Dropull referuan materialet në Prokurori dhe nisi procedimi në gjendje të lirë për shtetasin K. Xh., 67 vjeç, banues në fshatin Peshkëpi e Sipërme, Dropull, për veprën penale “Marrja ose përdormi i paligjshëm i dokumenteve të identifikimit”, pasi ka bërë kallëzim shtetasi V. F., 67 vjeç, banues në fshatin Peshkëpi e Sipërme, se shtetasi K. Xh. ka marrë kartat e identitetit të familjarëve të tij dhe i ka përdorur ato pa dijeninë e tyre, për të plotësuar formularët për regjistrimin e kandidatit të një subjekti politik, në procesin zgjedhor. Materialet i kaluan Prokurorisë, për veprime të mëtejshme“, thuhet në njoftimin e policisë.
Ndërkohë Argjirolajm.net publikoi një ditë më parë deklaratën e plotë të dhënë nga shtetasi i cili pretendon se i është marrë ID. Shkrimin mund ta lexoni këtu. Vetë Kostas Garos, kandidat i Nismës Thurje në një reagim të tij sqaron se po kërcënohet nga kryebashkiaku Dhimitris Tolis. E po kështu njerëzit që kanë nënshkruar për regjistrimin e tij në KZAZ janë nën presion për të tërhequr firmat. KZAZ-ja e Dropullit e refuzoi regjistrimin e Garos për mangësi dokumentacioni. ©argjiroja.net
