Një sherr është regjistruar gjatë ditës së sotme ne qytetin e Vlorës. Ngjarja ka ndodhur në zonën e Lungomares në një lokal. Pas përplasjes fizike mes dy personave, njëri prej tyre ka nxjerrë pistoletën, por fatmirësisht i ka rënë në tokë pa mundur ta shkrepë. Ndërkohë që ngjarja ka sjellë panik tek të pranishmit në zonë. Personi që kishte armën është larguar me shpejtësi. Policia ka mbëritur ne vendngjarje dhe është vënë në ndjekje të personit që ishte me armë.
Vlorë/Informacion paraprak
Rreth orës 12:10, në zonën e lungomares përpara një lokali, ka ndodhur një konflikt fizik midis dy personave të cilët sapo kanë parë shërbimet policore, janë larguar menjëherë. Po punohet për kryerjen e veprime të mëtejshme.
