• Lajme
  • Kryesore
  • Lifestyle
  • Show Bizz
  • Sport
  • Pikante
  • Planet
  • Argjiro +
  • Para dhe Pushtet
  • Portal pune
  • Faqe Interneti
Nuk ka rezultate
View All Result
  • Lajme
  • Kryesore
  • Lifestyle
  • Show Bizz
  • Sport
  • Pikante
  • Planet
  • Argjiro +
  • Para dhe Pushtet
  • Portal pune
  • Faqe Interneti
Nuk ka rezultate
View All Result
Nuk ka rezultate
View All Result

Pistat e hetimit, identikiti i autorit dhe dëshmitë okulare, çfarë dihet deri më tani për ekzekutimin e biznesmenit nga Saranda

17/12/2022
Atentat mafioz, pronari i hotelit në Sarandë ekzekutohet në Tiranë

Tirana është tronditur pasditen e djeshme nga një ekzekutim mafioz në mes të një prej lagjeve më të populluara të Tiranës.

Një person, i vetëm, ka hyrë në një kafene dhe është drejtuar drejt një tavoline, ku gjendej biznesmeni Edmond Papaj. Ka qëlluar 9 herë mbi të dhe më pas ka dalë i qetë nga lokali, duke kaluar nga pas tij në këmbë. Nga aty për të humbur gjurmët, ndërkohë që është tentuar t’i jepet ndihma e shpejtë klientit të përgjakur, por pa mundur të mbahej në jetë. Policia, si rrallë kohëve të fundit, reagoi menjëherë duke ngritur postblloqe të shumta në të gjitha nyjat që të nxjerrin nga Tirana, por pa mundur të bihej në gjurmët e tij.

Në vendin e ngjarjes mbërritën menjëherë ekspertë e drejtues policie, por gjurmët e lëna nga vrasësi ishin vetëm viktima dhe plumbat e shumtë në ambientet e lokalit. Policia me shpresën e një identikiti, ka marrë në pyetje personat që janë gjendur në atë moment në lokal, ka nisur hapjen e kamerave të sigurisë afër ambientit dhe në afërsi të lokalit, por deri orëve të vona të mbrëmjes nuk ka shkuar tek asnjë person i dyshuar.

Burime policore thanë për gazetën ‘Panorama’ se autori ka qenë i maskuar me kapuç dhe se ka kaluar nga pas lokalit krejtësisht i qetë. Sipas Policisë, autori ka pasur informacion të saktë në lidhje me lëvizjet e viktimës së tij, pasi biznesmeni ka mbërritur pak çaste para se sa të vritej në Tiranë, pikërisht në vendin ku edhe u ekzekutua. Ai kishte sjellë nënën e tij tek i vëllai dhe kishte zbritur të pinte një kafe në lokalin e lagjes, kur personi i maskuar me kapuç të zi e ka goditur me armë duke i marrë edhe jetën.

HETIMET

Policia bëri me dije mbrëmë se ka nisur hapjen e dhjetarë pamjeve filmike brenda, jashtë dhe nga ana e pasme e lokalit, në të cilin ndodhi atentati mafioz. Nga të dhënat e marra edhe nga dëshmitaret okularë dhe nga pamjet, ata kanë fiksuar tashmë një identikit të autorit të krimit, por pamja në pjesën e fytyrës dhe të kokës është e mbuluar me anë të një kapuçi të zi, çka nuk ka lënë asnjë detaj të dukshëm për kamerat apo personat që do të gjendeshin në vendin e vrasjes.

Sipas dëshmisë së njerëzve të viktimës është mësuar se biznesmeni Papa, i cili rezulton të ishte pronar i një hoteli të njohur në Sarandë, kishte mbërritur në Tiranë pak momente para ngjarjes. Ai kishte udhëtuar nga Saranda në Selitë bashkë me nënën e tij, të cilën e kishte lënë te banesa e të vëllait dhe vetë, në atë moment, ka zbritur poshtë pallatit për të pirë kafe.

Policia dyshon se autorët e kanë pasur informacionin e saktë të lëvizjes së Edmond Papës, ndërkohë që dyshohet që një person është larguar nga Selita për në drejtim të paditur. Por Policia ka dyshime që autori të mos ketë dalë nga Tirana, për shkak se nuk është gjetur ndonjë mjet i djegur pas atentatit, siç është edhe rituali i zakonshëm i këtyre ngjarjesh. Policia dhe grupi hetimor që kanë marrë në duar hetimet po verifikojnë të shkuarën e viktimës për të mësuar se nga ka ardhur edhe mëria.

Nga informacionet e para që janë grumbulluar në lidhje me viktimën, 49 vjeç dhe pronar të një biznesi të njohur, dyshimi i parë lidhet me aktivitetin e tij në shtetin helen prej shumë vitesh. Ai ka qenë me precedentë në fushën e narkotikëve, thotë Policia, e për pasojë hetimet janë përqendruar pikërisht në pistën e hakmarrjes ose pazareve të pista që vijnë nga aktiviteti në trafikun e drogës.

Po ashtu, po kërkohen dëshmi edhe nga miq dhe të afërm të tjerë të viktimës për të mësuar nëse viktima ka pasur ndonjë konflikt kohëve të fundit për shkak të biznesit në qytetin e Sarandës, pasi familja e ngushtë e tij ka refuzuar të kishin ndonjë konflikt të hapur me ndonjë person. Në fakt, edhe mënyra se si ka lëvizur Papa para se sa të ekzekutohej, sipas hetuesve, nuk lë dyshimin e ndonjë personi që ruhej./ Panorama

Related Posts

Banorët e Thethit bllokojnë rrugën, Rama: Marrëzi kriminale!
Kryesore

Banorët e Thethit bllokojnë rrugën, Rama: Marrëzi kriminale!

14/07/2025
Me 14 mijë euro të padeklaruara në kufi, ndalohet një person në Kakavijë
Kryesore

Me 14 mijë euro të padeklaruara në kufi, ndalohet një person në Kakavijë

14/07/2025
Tentoi të rrëmbente një vajzë 4-vjeçare në park, gjykata greke çon shqiptarin në Korydallo
Kryesore

Tentoi të rrëmbente një vajzë 4-vjeçare në park, gjykata greke çon shqiptarin në Korydallo

14/07/2025
Si po zëvendësohen shqiptarët/ 20% e punonjësve janë të huaj, nga India deri në Filipine
Kryesore

Si po zëvendësohen shqiptarët/ 20% e punonjësve janë të huaj, nga India deri në Filipine

14/07/2025
Bllokohet kalimi i automjeteve në Qafë Botë, lejohet vetëm kalimi në këmbë, zbardhet shkaku
Kryesore

Kishte brenda një emigrant të paligjshëm, ndalohet autobusi i agjencisë shqiptare në Qafë Botë

14/07/2025
E rëndë në Vlorë/ Vajza tenton vetëvrasjen, dyshime se familja fshehu ngjarjen. Babai nuk ishte dakord me stilin e jetesës së saj
Kryesore

E rëndë në Vlorë/ Vajza tenton vetëvrasjen, dyshime se familja fshehu ngjarjen. Babai nuk ishte dakord me stilin e jetesës së saj

14/07/2025

Argjiroja.net është një media online e pavarur, që informon me profesionalizëm dhe shpejtësi lexuesit. Në vëmendjen tonë të veçantë janë kryesisht ngjarjet në jug të Shqipërisë, por edhe zhvillime të tjera të rëndësishme brenda e jashtë vendit.
Argjiroja.net është pjesë e NaN Studio Sh.P.K me NIPT M02012001P

Për marketing dhe çdo informacion tjetër na shkruani në adresën [email protected] ose në WhatsApp në numrin 069 24 77 431.

Të fundit

Roza Lati për nënën e saj, Rita Latin: E kam parë gjithmonë si Merlin Monroe-n time

Roza Lati për nënën e saj, Rita Latin: E kam parë gjithmonë si Merlin Monroe-n time

14/07/2025
Banorët e Thethit bllokojnë rrugën, Rama: Marrëzi kriminale!

Banorët e Thethit bllokojnë rrugën, Rama: Marrëzi kriminale!

14/07/2025
  • Kryesore

© 2023 Argjiroja.net Design by NanStudio.al

Nuk ka rezultate
View All Result
  • Lajme
  • Kryesore
  • Lifestyle
  • Show Bizz
  • Sport
  • Pikante
  • Planet
  • Argjiro +
  • Para dhe Pushtet
  • Portal pune
  • Faqe Interneti

© 2023 Argjiroja.net Design by NanStudio.al