Ish-zëvendësministrja e Brendshme Rovena Voda deklaroi se bazuar nga akti i ekspertimit telefonik, është provuar se nuk ka folur për ndonjë vend pune, se nuk ka favorizuar askënd dhe se nuk ka ushtruar ndikim të paligjshëm tek aurotitetet e administratës publike. Në një intervistë për ‘Euronews Albania’, Voda u shpreh se është takuar me Majlinda Hasani dhe Florida Beu, ku ato e kanë pyetur sesi sesi mundet të aplikohet, apo si mund të konkurrohet në administratën publike.
“Në çështjen time ka pasur dy prokurorë. Një nga prokurorët është zoti Altin Dumani dhe prokurori tjetër është zoti Klodian Braho. Nga të gjithë fashikujt e gjykimit, sepse fashikujt e gjykimit përmbajnë 5 dosje, pra 5 volume të mëdha, ka rezultuar sigurisht që unë jam takuar, siç jam takuar edhe me qytetarë të tjerë. I kam takuar. Takimi, siç ka rezultuar në fakt edhe nga bisedat e mia, mesazhet që kam shkëmbyer me zonjën Hasani, me zonjën Florida Beu nuk kam pasur asnjë kontakt, nuk kam pasur as numrin e saj të telefonit, jemi takuar sigurisht, jo vetëm bisedë shoqërore, por edhe për të marrë informacion.
Pra, ato janë takuar me mua edhe për të pyetur sesi mundet të aplikohet, apo si mund të konkurrohet në administratën publike, për të marrë informacion. Kjo është vërtetuar edhe me deklaratat që kanë dhënë vetë dy zonjat e tjera. Gjithsesi, ky nuk ka qenë fokusi i bisedave të gjata të mia, që unë kam pasur me zonjën Hasani, biseda këto që kanë filluar ndër vite, ku kurrë nuk është folur në këto biseda, asnjëherë nuk është biseduar, e provuar me aktin e ekspertimit telefonik, për ndonjë pozicion pune, për ndonjë favorizim, për ushtrim ndikimi të paligjshëm tek aurotitetet e administratës publike, apo për kërkim, marrje, dhënie përfitimi të paligjshëm”, theksoi ajo.
E pyetur pse donin t’ju jepnin një celular, Voda u shpreh:
“Ka rezultuar se zonja për shkak të 8 marsit, biseda ka ndodhur në 6 mars, dy ditë para festës, u takuam rastësisht, pra s’ka pasur asnjë parapërgatitje apo bisedë, ka qenë dhuratë por për të cilën unë i kam falenderuar, nuk kam pranuar që ta marr, dhe nga pamjet e barit ku jemi takuar duket që ia kam kthyer mbrpasht e celulari është lënë në tavoilnë por duke qenë se jam person publik e s’mund të bëja debat në lokal e mora celularin, por për 2-3 orë e kam kthyer. Nuk jam mësuar në jetën time të marr dhurata të shtrenjta. Celulari është kthyer e për këtë kam kërkuar nga prokuroria që si ka mundësi që nuk e parashtron një fakt të tillë”.
Pse u arrestua Rovena Voda?
Voda u arrestua më 13 korrik 2021 në një operacion të SPAK për goditjen e korrupsionit. Ish-zyrtarja u zbulua teksa bisedonte dhe akuzohet se kishte marrë të mira materiale për të punësuar një grua në Ministrinë e Brendshme. Ndërkohë që sipas përgjimeve, doli që Voda kishte përfituar 1000 euro, një telefon tip Samsung si dhe një arkë me peshk për të futur në punë Florinda Beun përmes njohjes që kishte me avokaten Majlinda Hasani. Gjykata e Posaçme e dënoi Vodën me 10 muaj burg.