Duket se s’ka më dilema, ndonëse partia e Ilir Metës ka thënë se zgjedhje pa opozitën nuk do të ketë. Edhe LSI do të marrë pjesë në zgjedhjet e 18 qershorit. KQZ nesër do të mblidhet për të regjistruar LSI-në si subjekt politik për zgjedhjet e përgjithshme parlamentare. Në mbledhjen e nesërme në KQZ pritet të regjistrohen edhe subjekte të tjera si:
-Partia e Minoriteti Etnik Grek për të Ardhmen,
-Partia për Mbrojtjen e të Drejtave të Punëtorëve të Shqipërisë
-Partia Komuniste e Shqipërisë
-Partia Demokrate për Integrim e Prosperitet
-Partia Arbnore Kombëtare
Kreu i opozitës Lulzim Basha duket i vendosur për të mos hyrë në zgjedhje më 18 qershor nëse nuk largohet Edi Rama, për t’i hapur rrugën krijimit të një qeverie teknike.
Opozita vijon protestën para Kryeministrisë prej 39 ditësh.
