Ka dështuar procesi i primareve në Partinë Demokratike në Përmet. Raportohet së kandidati Niko Shupuli është tërhequr nga gara për arsye ende të paqarta. Përpara tij ka folur për dorëheqje edhe kandidati në Memaliaj, Bukurosh Ajdini, duke e cilesuar procesin si të rremë.
Ai u zgjodh kryetar i Bashkisë së Përmetit në zgjedhjet lokale të 2015-ës, si kandidat i Partisë Demokratike dhe Aleancës Popullore për Punë dhe Dinjitet. Ai fitoi me 68.16% të votave ndaj rivalit të tij të Partisë Socialiste. Në zgjedhjet e vitit 2019 kur opozita bojkotoi, Shupuli zbatoi vendimin e PD duke mos rikandiduar qoftë dhe si i pavarur edhe pse kishte një mbështetje të konsiderueshme.
Nuk dihen endet detaje dhe motivet që kanë shtyrë Shuplin të tërhiqet nga ky proces, të cilin kryetari i PD-së Sali Berisha e ka cilësuar si shumë të rëndësishëm.
