Universiteti “Eqrem Çabej” në Gjirokastër parashikon të shpenzojë rreth 44 milionë lekë të vjetra pa Tvsh për lyerjen e fasadave dhe ambienteve të brendshme. Prokurimi publik është njoftuar sot ndërsa pritet që pas 4 ditësh të mbyllet procedura dhe të shpallet kompania fituese. Punimet parashikohen të kryhen brenda dy muajve të ardhshëm. Nga viti në vit Universiteti i Gjirokastrës po përballet me ulje të numrit të studentëve dhe mbyllje të programeve të studimit. Përgjegjësit kryesorë të rrënimit të tij, përveç zhvillimeve demografike e sociale, janë natyrisht kasta që e drejton universitetin e që ka lejuar aty të mbizotërojë nepotizmi, korrupsioni dhe paaftësia.
©argjiroja.net
