Një drejtues mjeti ka humbur jetën pasi është zënë poshtë nga kamioni të cilin e kishte parkuar për të bërë shkarkimin e ngarkesës. Ngjarja ka ndodhur në lagjen nr. 4 Sarandë, ndërsa shoferi është identifikuar si 53-vjeçari Veli Seiti.
Sipas informacioneve të para, Seiti ka dalë nga mjeti për të bërë shkarkimin e ngarkesës, por mjeti ka lëvizur dhe drejtuesi ka shkuar të hipte në mjet, por është batuar dukë e zënë poshtë.
Njoftimi i policisë:
Sot, rreth orës 15:05, në lagjen nr. 3, Sarandë, shtetasi V. S., 53 vjeç, dyshohet ka ndaluar mjetin tip kamion, në rrugë të pjerrët, për të bërë një riparim, dhe gjatë punës dyshohet se aksidentalisht mjeti është pëmbysur dhe ka zënë poshtë shtetasin V. S., i cili si pasojë ka humbur jetën. Në vendngjarje ndodhet grupi hetimor, i cili po punon për zbardhjen e rrethanave të ngjarjes.
