Pa asnjë sistem biletarie, Bashkia Dropull shfrenon fantazinë: Kishim 100 mijë turistë (VIDEO)

Dalldia për të folur për turizmin e për t’u mburrur me shifrat e këtij viti, që për hir të së vërtetës ishin vërtet të larta në rang vendi, ka përfshirë edhe Bashkinë Dropull. Por pa pasur asnjë sistem të matjes së numrit të turistëve, kjo bashki ka dalë në përfundimin se gjatë këtij sezoni në Dropull erdhën 100 mijë turistë. Jo që nuk është e vërtetë, por Dropulli s’ka asnjë sistem biletarie për të numëruar të paktën ata që shkojnë të shohin objektet e kultit. Për ta bërë edhe më qesharake panoramën, një punonjëse e bashkisë duke folur për RTSH Gjirokastra, tha se ata kanë filluar të mendojnë edhe punojnë për sezonin e ardhshëm turistik të vitit 2024. Fiks si ato kronikat e realizmit socialist me tejkalim të planit 150%. Shihni videon më poshtë. ©argjiroja.net