Rachael Bland, gazetarja e BBC e cila me prej gati dy vitesh (Nëntor 2016) po lufton me një kancer të pashërueshëm, ka bërë në mediat sociale një njoftim të dhimbshëm, i cili i ka trishtuar të gjithë miqtë dhe ndjekësit e saj. Nuk kam më vite por “vetëm ditë” për të jetuar shkruan 40-vjeçarja, nënë e një djali 2 vjeçar. Muajin e kaluar ajo tha se ishte në një “garë kundër kohës” për të botuar një libër me kujtime për djalin e saj dyvjeçar, Freddie, dhe besonte se ajo kishte “më pak se një vit” jete.
Por, dje nëpërmjet një twitter-i (cicërime) trishtues të fundit, ajo shkruante: Kam frikë se koha ime ka ardhur miqtë e mi. Dhe krejt papritur. Kam vetëm pak ditë jetë, është vërtetë surreale. Faleminderit shumë për të gjithë mbështetjen që më keni dhënë”. Gazetarja dhe prezantuesja e njohur e gjigantit, BBC, Rechael Bland, prej nëntorit të vitit 2016 është diagnostikuar me kancer dhe mjekët nuk i dhanë shumë shpresa për të jetuar gjatë.
Por ky fakt nuk ka ndikoi aspak në jetën profesionale të gazetares e cila vendosi që të kapet sa më shumë pas jetës dhe të nisë të shkruaj një libër kushtuar djalit të saj 2-vjeçar të cilin e ka titulluar ‘For Fred’.
Pavarësisht disa terapive që ajo bëri, mjekët nuk i dhanë shpresë 40-vjeçares, e cila ashtu siç njofton edhe vetë është në fazën përfundimtare të sëmundjes. ‘Unë dua që ai të më kujtoj gjithmonë, nuk dua të më harroj’-ka thënë Rachael Bland për djalin e saj. Më këtë libër gazetarja dëshiron t’i tregojë jetën e saj djalit, që kur të rritet të mësojë më shumë rreth nënës së tij.
‘Ai është në një moshë të vogël dhe nuk do më mbajë mend’. Dua t’i tregoj gjërat e mia që të në ardhmen të krijojë një ide se kush isha unë’- ka vazhduar më tej gazetarja. Në libër gazetarja i jep këshilla vogëlushit të saj se si të gjejë lumturinë, si të nisë një karrierë të suksesshme dhe gjithashtu ajo ka shkruar dhe disa anekdota.
