“Nuk kisha asnjë motiv për të kryer vrasje. Kohët e fundit kam marrë kërcënime serioze për jetën nga viktima. Ndaj meje kanë ndodhur dy incidente të dhunshme nga viktima dhe jashtë karburantit jam sulmuar sërish nga viktima”.
Kështu është shprehur shqiptari i cili vrau bashkëkombasin diten e djeshme, teksa ndodhej brenda makinës së tij pranë një pike karburanti në zonën e Analipsir, Selanik.
Autori, i cili u dorëzua sot, rreth orës 16:30, në prani të avokatit të tij, Thanasis Alexopoulos, ka treguar në Polici se ku e ka lënë makinën që drejtonte pasditen e djeshme dhe ku ka lënë armën që ka përdorur për të vrarë 50 vjeçarin shqiptar.
Në video shihet viktima duke debatuar me drejtuesin e një automjeti dhe më pas tenton ta godasë me zinxhir. Më pas ai qëllohet me armë zjarri dhe bie në trotuar. Sipas asaj që shkruajnë mediet greke, i akuzuari ka hematomë dhe të nxira në kokë nga sulmi i viktimës me sende të forta dhe për këtë është urdhëruar ekspertiza.
“Me paralajmërimin se nga shkresat e çështjes del ajo që më thotë klienti im, deklaroj se kam marrë përsipër mbrojtjen e tij”, tha avokati, duke theksuar se 45-vjeçari nuk kishte ndërmend t’i shpëtonte arrestimit.
