Njëri prej grabitësve të 3.2 milionë dollarëve amerikanë të enjten e kaluar në qafë Kashar, ka qenë edhe Ditjon Memlikaj nga Tepelena.
31-vjeçari ka lindur në fshatin Kamçisht të ish Komunës Qesarat dhe deri para pesë vitesh vazhdonte të jetonte në fshat. Më pas u transferua në Tepelenë dhe rreth një vit më parë në Tiranë, ku jetonte bashkë me familjen e tij.
Ai ka qenë pjesë e Forcave të Armatosura dhe ka shërbyer në disa misione paqeruajtëse në Irak dhe Afganistan. Nga ushtria u lirua gjashtë vjet më parë për shkelje disiplinore. Memlikaj është i martuar dhe ka fëmijë.
Bashkë me Fatjon Xhyriun, Neim Avdulaj, Ernest Kupaj e Admir Murataj i shpallur në kërkim, kanë qenë bashkëpunëtoë në disa grabitje bankash. Këta persona janë kapur dje nga Policia pasi dyshohen si grabitësit e 3.2 milionë dollarëve amerikanë në Qafë Kashar mesditën e të enjtes së kaluar./ArgjiroLajm.net