Sikundër paralajmëroi kryeministri Rama ka dalë në një komunikim në lidhje me masat Covid-19, të cilin e ka quajtur të fundit. Rama ka bërë me dije se transporti public, dasmat, funeralet, si edhe aktivitetet sportive do të vazhdojnë të jenë të mbyllura. Ndërkohë që pjesa tjetër do të jetë e hapur. Sa i përket plazhit, do të hapet vetëm ai për hotelet. Ndërsa pjesa tjetër do të hapet më vonë.
Kryeministri Edi Rama i ka dhënë dritën jeshile futbollit për në datën 3 qershor. Natyrisht, nuk e ka përmendur datën, por në komunikmin e tij të sotëm me publikun, i fundit sa i përket çështjes së pandemisë së Koronavirusit, ai bëri apel që qytetarët shqiptarë të bëjnë kujdes.
Kreu i qeverisë deklaroi se nuk do të lejohen edhe për disa kohë aktivitete kultutore dhe sportive, por më pas saktësoi se nuk do të jenë tifozët.
“Do të vazhdojnë të jenë të mbyllura edhe për pak kohë aktivitetet kultutore dhe sportive me tifozë”, tha ndër të tjera Rama, duke konfirmuar kështu planin që është hartuar së fundmi nga FSHF dhe Ministria e Shëndetësisë për rinisjen e sezonit më 3 qershor, por pa tifozë.